Comunicado CAMPAÑA SOCIOS PROTECTORES
Moi Sr./Sra. Meu/Miña:
O motivo do meu escrito é presentarlle a entidade deportiva que presido, o CLUB NÁUTICO FIRRETE , e darlle conta da “Campaña de Socios Protectores- 2007” que estamos a facer.
O noso fin e o de fomentar a actividade física e deportiva en xeral e do piragüismo en particular, para o que elaboramos anualmente un programa de actividades que atende:
• Á promoción do piragüismo.
• Á docencia e tecnificación deportiva.
• Á práctica deportiva competitiva.
• Ao piragüismo como actividade lúdico-recreativa.
Con preto de corenta anos de historia, con sede en Pontedeume, un pobo con arredor 10.000 habitantes, ten acadado varias veces o título de Campión de España e sorprender a toda a comarca e ao piragüismo nacional, logrando que un dos seus deportistas se alzase co título de Campión de Europa Júnior .
Dicirlle que, preto de 150 deportistas (máis da metade nenos e nenas de idade comprendida entre os 7 e 14 anos) con licenza federativa adestran connosco de xeito regular no equipo de competición e máis de 2.000 persoas navegan polo menos unha vez en piragua cada ano nas distintas actividades que ofrecemos dentro do plan de Docencia e Promoción e o programa Firrete-Aventura .
Tamén somos a entidade organizadora da “BAIXADA DO EUME EN PIRAGUA”, unha das regatas de maior prestixio en España na modalidade de Descensos de Ríos Deportivos, sendo a terceira competición con máis antigüidade do calendario autonómico, e que neste ano celebramos a 41 edición , puntuábel para a Copa Xunta de Galicia e Copa Deputación Provincial da Coruña, na que aproximadamente trescentos deportistas pertencentes a corenta entidades deportivas tomarán parte.
Para máis información, a nosa páxina web www.firrete.com
Saúdao atentamente,
Ramiro Piñeiro Oliveira
Presidente do Club Náutico Firrete
