22 de xullo de 2009 Outes converteuse esta fin de semana na capital do piraguismo galego, co C.N. Firrete como gran protagonista.  O sábado celebrouse o trofeo taxamar na modalidade de ríos e travesías, para as categorías senior junior e cadetes, onde o Firrete obtivo a terceira praza. O domingo foi a quenda para os mais pequenos onde o Firrete demostrou a súa supremacía ao impoñerse por terceira vez nas catro regatas de promoción disputadas ata o momento. A nivel individual destacar as vitorias do sábado de Juan CarlosVarela y Brais Casas en c-2 cadete, de Andrea Pérez e Olalla García en K-2 Dama cadete, de Pablo García en c-1 cadete ou a 2ª posición de Laura Rodríguez e Rebeca Vázquez en K-2 Dama Senior. O domingo 4 foron as medallas para os deportistas eumeses; prata para Javier Piñeiro e Simon Pérez en c-2 infantil B, para Eva Painceiras e Loreto Feal en K-2 dama Infantil B e para Antía Sánchez e Jessica Regueiro en C-2 dama A categoría na que Pomba Piñeiro e Graciela Rico tamén do Firrete foron terceiras. |
