Por todos e ben coñecida a dúbida existencial de quen é antes, se a galiña ou o ovo, pois ben, no club eumés témolo moi claro, primeiro veu a regata e logo o club, é dicir, primeiro foi a Baixada do Eume e tras ela apareceu o Firrete.
Como verdadeiro símbolo da nosa entidade deportiva cada ano pensamos na procura de recursos, tanto humanos coma económicos, que fagan posíbel a celebración dunha edición, que sexa mellor e con maior brillantez que a anterior; a sabendas que é o noso gran escaparate.
Por isto, cada ano e segundo termina unha edición da regata, pensamos na procura de recursos, tanto humanos como económicos, que fagan posíbel a celebración dunha próxima edición, que sexa mellor e con maior brillantez que o anterior.
Cada ano preto de trescentos piragüistas pertencentes achegados de diferentes equipos da comunidade galega, de clubs de comunidades próximas como Asturias ou Castilla León e algún representante de Portugal disputan unha regata que puntuábel para a clasificación da Copa Xunta de Galicia.
É a festa das piraguas en Pontedeume, que tradicionalmente se celebra a primeiros de setembro, integrándose tamén no programa das Festas Patronais, "As Peras" .
Como todos os anos, o acto de entrega de trofeos aos vencedores ten como lugar de celebración “A Praza Real de Pontedeume”, á que acuden numerosos afeccionados a este deporte con gran tradición local; visitantes e acompañantes dos deportistas ovacionan aos gañadores.
Apunte histórico
A orixe da Baixada do Eume en Piragua remóntase ao 9 de setembro de 1967 cando a Federación Coruñesa de Piragüismo, en colaboración coa comisión de Festas de Pontedeume e baixo o patrocinio da O.S. de Educación e Descanso, organizaba unha regata na que participaron un total de 19 piraguas.
Oito K-2, nove K-1 e dúas C-2 pertencentes aos clubs Fluvial de Lugo, Alcalá Galiano de Ourense, Beiramar da Coruña, Naval de Pontevedra, Ancares de Lugo e Cidade Xardín da Coruña, disputaban este primeiro descenso onde os vencedores absolutos en K-2 foron Angel Villar, "Chilares" para os amigos do piragüismo, e Manuel Pérez do Fluvial de Lugo, cun tempo de 51'27".
A súa historia comeza grazas a unha persoa cuxa vida estivo sempre ligada ao piragüismo, falamos de D. Jacinto Regueira Alonso. Como presidente da Federación Lucense e máximo responsable do piragüismo galego, a mediados dos anos sesenta ideou un programa para fomentar a práctica do piragüismo, este baseábase na organización de competicións en localidades que contasen con medio acuático. O tempo deulle a razón e en moitos dos lugares onde se celebraban regatas, tarde o cedo, xurdía un club de piragüismo.
Percorrido
O seu percorrido tradicional - ver mapa - no contorno da última fraga atlántica autóctona, que se inicia á altura da colexiata de San Xoán de Caaveiro e finaliza baixo a ponte de ferrocarril, xa na ría, e tras ter cruzado uns centos de metros antes baixo a ponte que mandara construír Fernán Pérez de Andrade, coñecida en Pontedeume pola "Ponte de pedra"; desenvólvese nun gran marco natural que, xunto á proliferación de presas, rápidos e todo tipo de obstáculos que se atopan ao longo do río, converte o Descenso do Eume nunha das probas máis duras, exixentes e espectaculares do deporte do piragüismo en España. Os piragüistas deben demostrar a súa destreza en distintos tramos catalogados en nivel de dificultade de grao II e III, máximo recomendábel para competicións deste tipo.
Nas proximidades do mosteiro de Caaveiro, dende o segundo refuxio do Eume para os Homes Kaiak (K-1 e K-2) e desde o primeiro para as damas Kaiak e Homes Canoa (K-1 e C-1 respectivamente), os xuíces enviados pola Federación Galega de Piragüismo, entidade que, ademais de autorizar a competición colabora anualmente co Club Náutico Firrete na organización, dan a saída seguindo o regulamento ás embarcacións participantes segundo categoría e modalidade.
Os afeccionados amoréanse no rabión da saída, do Rabión de Máiz, as Tres Marías, as Ferrerías, a Presa Pequeaa, O Cabalo e o Rabión da Alameda; a partir do cal os palistas dispóñense sen tanto trafego a palear en augas tranquilas durante cinco quilómetros.
É tamén singular e digno de ver a caravana de bicicletas, motos e coches que acompañan aos participantes pola estrada que discorre á marxe esquerda de río. Son continuos os ánimos, asubíos e incluso axudas en caso de volta ou roturas das piraguas.
ENLACES: Memoria 41ª BAIXADA DO EUME | Memoria 40ª BAIXADA DO EUME | Historia da baixada do Eume
DESCARGAS:
- REGULAMENTO da 41 Baxidada do Eume
- CARTEL oficial
- REVISTA da Baixada
EMPRESAS COLABORADORAS:
____ 
____ 
________
____
____
____
____
____
____
____
____
____
____ 
___
Ouro: A Cociña - Academia Vila - Agestión - Albergue Alvarella - Bar A Girandola - Bar D’Jes - Bar Eclipse - Bar El Diañu - Bar La Ruta - Bar O Triskel - Bar Tostaky - BBVA - Cantina Río Covés - Confitería El Carmen - Fotocopias Joypa - Fotografo Jorge Sarmiento Calvo - Freixo Café - Galia Vending - La Caixa - La Tienda de Popola - Manuel - Rey-Concesionario Peugeot - Materiales de Construcción Barallobre - Molares - Odeón - Óptica Tabora - O’Trasteiro - Panadería Patricio - Panadería Ríos - Pizzería + Rico - Pub Apnea - Recreativos Teny’s - Restaurante Andarubel - Restaurante Hostal Luis - Taberna Cubana - Vicky Noche.
Prata: Academia Moares - Bar Barón - Bar Chona - Café Bar A RAiola - Café Bar Os Chaos - Cafetería Bogabante - Chacinería As Landras - Electricidad Permuy - Expendiduría nº1 - Ferretería Breamo-Camplolongo - Ferretería Leira-Esteiro - Joyería Rodríguez Corral - Librería Cunqueiro - Muebles La Mina - Obradoiro - Óptica Eume - Saneamientos Leira - Toci Peluqueros-Bar Stollen - Tito Ríos - Verde Manzana.
Bronce: Administración de Lotería nº1 - Antoxos - Bar O Norte - Cacharreira - Café-bar Nevada - Carnicería Angel - Confecciones Martiño - Estanco Macamen - Estudio Fotográfico Efixie - Herboristería Bétula - Relojería Chema - Tnhoviedo Hotel - Tucho Couce - Usual Vales.
