Miguel Soro, consegue a prata na 2ª Copa do Mundo de maratón
Miguel Soro, proclamouse subcampión na 2ª competición da Copa do mundo desta especialidade, celebrada o 12 e 13 de xullo na localidade portuguesa de Crestuma.
Miguel, conseguiu a 2ª posición nesta proba tras 21 duros kms de regata nos que mantivo un duro man a man cos seus compañeiros de selección, Juan Bayón (1º casificado) e Miguel Salgado (3º clasificado).
Con este resultado o C.N Firrete volve colocar a un dos seus deportistas na elite internacional.
O próximo obxectivo do piragüista eumés centrase en acadar unha praza para disputar o Campionato do Mundo que terá lugar na República Checa entre o 18 e o 20 de setembro.
Pontedeume rendese os máis pequenos
O sábado 12 de xullo celebrouse en Pontedeume (nas augas próximas ao paseo marítimo) a 3ª competición do Gran Premio de Galicia de alevíns e Benxamíns, onde finalmente 230 deportistas (nenos e nenas de idades comprendidas entre os 8 e 12 anos) participaron en kaiak individual (K-1) dando 2 voltas a un circuíto balizado onde tiveron que percorrer un total de 1.500 metros.
O Club Piragüismo As Torres-Romaría Vikinga foi o vencedor absoluto por equipos da competición cun total de 1790 puntos. Acompañáronlle no pódium; o Club Breogan-Out. Xunqueiriña do Grove que con 1667 puntos foi o segundo clasificado, e o Club Náutico Firrete con 1485 puntos conseguiu a 3ª posición.
A Xunta Directiva do Club Náutico Firrete congratúlase do bo discorrer da mesma, e felicítase polo numeroso público que acudiu a presenciar a competición.
ENLACES:
Tipos de socios
| Ventaxas para o carnet de socio | Campaña de socios protectores | Estatutos do club | Descarga da acta da Asamblea 2007